Duro Felguera afronta un mes decisivu pal so futuru y sigue cola cotización suspendida  

La empresa trabaya p'aprovisionar los 100 millones d'euros que-y reclama Arxelia

Duro Felguera ta trabayando n’aprovisionar los 100 millones d’euros que-y reclama Arxelia poles penalizaciones y costos non reconocíos de la planta de ciclu combináu de Djelfa. Ye’l compromisu al que llegó cola CNMV. Pa ello ta reformulando les cuentes de 2022, 2023 y la primer metá de 2024.

Güei, una selmana dempués de que saltara esta reclamación, la inxeniería sigue cola cotización en bolsa suspendida y asina siguirá hasta nun poder amosar financieramente que pue asumir esa penalización.

Esti mes d’avientu sedrá determinante pal futuru de Duro Felguera.

Al aprovisionamientu de 100 millones pol llitixu con Arxelia, amiéstase la devolución d’otros 100 millones más a la SEPI. El plazu de devolución entamó a cuntar el vienres pasáu, pero según fontes financieres, la SEPI podría acordar una flexibilidá na devolución, pa nun empeorar más la so solvencia.

Amás, según fontes sindicales, siguen alantre les negociaciones por otres infraestructures, como la construcción d’una planta de ciclu amestáu en Rumanía, pa la que Duro negocia col gobiernu una ampliación de los plazos de construcción.